Hva er vold?

[nokon]

Eg synest og det blir veldig tendensiøst å uttale seg om ein sak kor bare ein av partane har fått komme med si meining.

Og ja, som lærar ville eg nok ha vurdert å melde bekymring dersom eit barn hadde fortald at mor slo med eit håndkle, sjølv om dette ville blitt framstilt som mindre alvorleg enn det høyrdest ut først. Veldig mange barn som lever med vold i familien, vil kjøpe det foreldre seier om normalitet og bagatelliseringar. Eit barn som blir korrigert ("Nei, mor slo deg ikkje, ho bare daska litt til deg med eit håndkle, såpass må du tåle!"), vil høgst sannsynleg bagatellisere voldsepisodar av denne typen og tru at det er barnet sjølv som eventuelt overreagerer, eller miste tillit til sine eine reaksjonar. Og barn er lojale mot foreldre. Dei trur at sånn som dei har det heime, er det normale. Derfor har dei ein tendens til å underrapportere vold.

Dersom denne mora sin versjon stemmer, tenker eg at det er uheldig at ein person blir hengt ut foran kollegaer på denne måten. Men eg skjønner veldig godt det som blir sagt frå barnehagen og Barnehuset si side om at dei måtte ta det barnet sa på alvor. Veldig ofte er det veldig mykje meir alvorleg enn det lille barnet fortel, nettopp fordi vold ofte blir forsvart gjennom bagatellisering.