Skrive nynorsk på FP-veke

Candy Darling skrev:

Eg merker allereie at det er vanskeleg å skrive nynorsk i ein del trådar som er meir alvorlige. Det kjens som om eg ikkje svarer heilt på alvor. Håper det ikkje er nokon som tar det ille opp.

Eg og.

007 skrev:

Å like seg, å trivast, å vere roleg.

Eg trudde det var noko sånt.

Inagh skrev:

Det var søndag morgon og småsporven trampa i tunet.

Maverick skrev:

Eg og.

Same her.

Nærast er du når du er borte.
Noko blir borte når du er nær.
Dette kallar eg kjærleik -
eg veit ikkje kva det er.

Candy Darling skrev:

Eg merker allereie at det er vanskeleg å skrive nynorsk i ein del trådar som er meir alvorlige. Det kjens som om eg tullesvarer, på eit vis. Håper det ikkje er nokon som tar det ille opp.

Eg og. Eg har ikkje ordforråd til å utrykke meg som meg sjølv på eit vis. Eg håper ingen tror at eg gjør narr.

Eg har ikkje sett så mykje nynorsk i andre trådar- eg er mykje mer trygg når eg skriv på engelsk, trur eg.

Che skrev:

Eg har ikkje sett så mykje nynorsk i andre trådar- eg er mykje mer trygg når eg skriv på engelsk, trur eg.

Der har du meg og! Treng trening.

Eg gløymde det i ein tråd, men det var fordi eg vart så ivrig. Det tek litt lengre tid å skriva nynorsk. Eg treng treninga, det er heilt sikkert.

Kirsebær skrev:

Helt uaktuelt, faktisk.

Samme her.

Ah, og der fekk eg svar på kvifor bokmålsbrukarar plutseleg skreiv nynorsk i en annan tråd eg var innom. Nynorsk i ei veke skal gå lett som ein plett. Eg skriv uansett berre bokmål her for å vere litt meir anonym.

Kan du være nynorsk-læreren min, Rine? Eg har berre ved eit par anledningar skrive nynorsk siden videregåande.

Eg hadde nynorsk som hovudmål i mange år, men brukar det utruleg lite i dag. Trur faktisk eg vil slite denne veka. Pinleg!

Tallulah skrev:

Kan du være nynorsk-læreren min, Rine? Eg har berre ved eit par anledningar skrive nynorsk siden videregåande.

Det kan eg.
I den andre tråden skreiv du faktisk jeg (som eg reknar med var ein glipp), og så bøygde du element som eit hankjønnsord- det er eit inkjekjønnsord. Bortsett frå det var du veldig flink!

(Og så heiter det sidan, ikkje siden, på nynorsk.)

rine skrev:

Det kan eg.
I den andre tråden skreiv du faktisk jeg (som eg reknar med var ein glipp), og så bøygde du element som eit hankjønnsord- det er eit inkjekjønnsord. Bortsett frå det var du veldig flink!

(Og så heiter det sidan, ikkje siden, på nynorsk.)

Yay, takk. Du er veldig (det kan eg skrive, ja?) motiverande. Jeg var ein glipp. Eg prøver å plukke vekk dei fleste orda som virker for outrerte.

Eg har null peil på når eg bruker -er og -ar, både i verb og substantiv. Eller -en og -an. Kan du gje meg ein regel?

Eg brukar å høyre på P3-morgon, så eg prøvar å ha Ronny Brede Aase si dialekt i minne. Han e jo frå Førde og har ein heilt magisk dialekt eg trur e nært nynorsk skriftspråk.

Dersom ein treng litt inspirasjon så kan eg anbefale å lese den norske omsetjinga av Saman er ein mindre åleine. Nydeleg språk.
Eg set også stor pris på Knut Hauge sin saga om Ulfsætta. Eit flott verk på.

Tallulah skrev:

Yay, takk. Du er veldig (det kan eg skrive, ja?) motiverande. Jeg var ein glipp. Eg prøver å plukke vekk dei fleste orda som virker for outrerte.

Eg har null peil på når eg bruker -er og -ar, både i verb og substantiv. Eller -en og -an. Kan du gje meg ein regel?

Substantiv: Hovudregelen er at hankjønn har -ar, -ane, hokjønn har -er, -ene, inkjekjønn har inga ending i ubestemt fleirtal og -a i bestemt fleirtal.

bilar, bilane
jenter, jentene
ting, tinga

Verb: Om eit verb har fortidsform på -a, er det òg -ar i presens. Om verbet har -te eller -de i fortid, er det -er i presens. Sterke verb har typisk inga ending i presens (og ofte anna hokuspokus òg).

kasta -> kastar
møtte -> møter
kom -> kjem

Det skal ikkje så veldig mykje meir til enn dette før nynorsken byrjar å sjå ganske grei ut.

Takk!

Nynorsk ja, det har eg ikkje skrive på mange år trur eg. Hadde nynorsk alle åra på skulen pluss ligg litt nære i dialekt. Likevel har det blitt bokmål på alle forum osv, fekk nemleg for meg at eg blei meir anonym dersom eg brukte bokmål. Skriv då altså stort sett bokmål i grupper på facebook, på forum osv medan eg privat på messenger eller sms gjerne skriv dialekt, siste helst bare til nære/godt kjente. Men snodig nok skriv eg faktisk nynorsk i rapportane på jobb, kom eg på no. Ikkje konsekvent på valet men konsekvent når valet er tatt.