Et lite spørsmål

[Puslingen]

Eg ynskjer ikkje å overføra min evnt. angst for noko til mine born, så dei får stort sett prøva seg på kva dei vil. Her i huset er det helst økonomien som set ein stoppar for ting. Nabojenta har vakse opp med ei mor som har angst, og det har før til at det har vært ein god del ho ikkje har fått deltatt i. T.d. skeising saman med venninnene. Eg ser at dette har hemma ho litt, og ho tusler heller åleine når dei andre skal gjer enkelte ting enn å stå og sjå på.

Me er så heldige at søster mi har fleire hestar, så storesøster får ri litt no og då (etter ein god dose allergimedisin). Og favoritthesten er sjølvsagt ein svær, tung lettdøl som er verdens roligaste og tolmodigaste hest. Litt artig med ei tynn, lita frøken på toppen omtrent i spagat fordi hesten er så brei over ryggen.
Lillesøster derimot er mest interessert i paddene rundt stallen. Ho treng ein aktivitet som verkeleg fenger ho, og me har vært inne på tanken om motorcross. Har jo ein flott crossbane i nærleiken, og det hadde sikkert passa midt i blinken for "guttejenta" vår.

Når det er sagt kjem eg aldri til å stilla som avløysar om mine barn bestemmer seg for å satsa på kyr når dei vert store.