Lego-reklame og kjønn

[nokon]

Det er veldig interessant å sjå korleis denne diskusjonen tok vegen inn i ein legodebatt på deltajnivå. Då eg skreiv det første innlegget såg eg føre meg ein diskusjon om kjønn som identitetsmarkør og barneleiker som symptom på noko som gjeld elles i samfunnet også.

For eg synest det verkar som om samfunnet var mindre "kjønna" då eg veks opp, enn nå. Vi ser det veldig godt på både barneleiker, klesmote for tenåringar og ei endring i kvinneidealet som blir presentert i offentleg debatt. Då eg var ungsomsskulelev, gjekk vi alle i 501-bukser og h2o- eller adidas-genser og dr. Martens skor, både gutar og jenter. Draumen var i alle fall ikkje å bli heimeverande husmor, og då eg var lita arva eg klede av gutar som var eldre enn meg. Nå ser eg folk sel rosa barnevogner via facebook, fordi nummer to er ein gut... (Det er gjerne dei same som har cupcake-bloggar). Og den prinsesserosa niesa mi såg bilete av meg med kort hår og sa "Var du gutt då? Jenter kan jo ikkje ha kort hår". Eg prøvde meg med at bestemor er jente og har kort hår, men det gjaldt visst ikkje, for ho var bestemor.

Eg innbiller meg på mange måter at vi kunne velje oss inn eller ut av kjønnsterotypiar, medan ungar i dag blir plasserte der.

Er det ein motreaksjon på feminismen og likskapsideala frå 80-talet, eller er der bare ei utvikling som er styrt av store marknadskrefter, som vi ikkje rår over?