"Lette" bøker

[nokon]

Eg treng tips til lette bøker eg kan lese. Eg ligg mykje våken om nettene og er frykteleg trøtt, så det bør vere eit enkelt språk og eit oversikteleg persongalleri. Dei siste dagane har eg begynt på The Great Gatsby og Falling Men av Don deLillo, begge er bøker eg merker eg liker, men eg har ikkje konsentrasjon til dei akkurat nå.

Eg har nokre kriterier:

• Eg er under middels begeistra for moderne krim, men Jo Nesbø, Johan Theorin, Hans Olav Lahlum og P. D. James slepp gjennom nålauget. Finns det fleire i same sjangeren?
  
• Eg les norsk, engelsk, dansk og svensk på originalspråket.
  
• Eg er ikkje glad i "suppete" bøker, og har lagt bort både Tusen strålende soler og Tilbake til Riverton, før eg var halvvegs i boka, fordi eg ikkje likte dei.
  
• Eg er glad i bøker som er stilistisk sterke, men kjende då eg begynte på Don deLillo i natt, at eg ikkje har overskot til å fokusere på spennande språk, akkurat nå. Likevel er eg litt kresen på språk, og treng noko som ikkje blir så enkelt at det irriterer meg.
  
• Eg er ikkje glad i chic-lit.

Nokon som har nokre passande, lette boktips?