[nokon]

Eg er ikkje i tvil om SV, sjølv om eg tenker det er store fordeler med å vere medlem av EØS og NATO. For min del er eg likevel einig med SV i at eg er negativ til måten NATO har utvikla seg på. Etter Afghanistan, Irak og Libya dei siste tiåra, ser eg ikkje lenger NATO som den forsvarsalliansen den ein gong var.

EØS/NATO-spørsmålet er langt meir komplisert enn medlem/ ikkje-medlem. Og eg tenker at sjølv om vi treng det internasjonale samarbeidet, kunne vi med fordel ha gått gjennom avtaler og sett på kva det er vi er med på her. Verda ser ikkje ut som ho gjorde i etterkrigstida.

Når eg stemmer SV til tross for at eg ikkje er 100% einig i dette med internasjonale avtaler, er det fordi eg likevel meiner det er det partiet som kjem best ut i nasjonale saker som er viktige for meg. SV aleine vil ikkje få med seg eit stortingsflertal på å melde Norge ut av EØS, sånn over natta. Men SV kan stille ein del krav til ei ny regjering, som vil trekke i det eg meiner er riktig retning, på ei rekke andre områder.