Plutseleg parsellhage!
Etter fire år på venteliste fekk eg plutseleg e-post om at det var min tur å få parsellhage!  Så nå har eg ein 37 kvm. flekk innringa av bringebærbusker, som stod igjen etter forrige person.
Dette skal bli pusterom, kosekrok og uterom gjennom sommaren og eg kjenner allereie på kor godt det var å vere ute og halde på med haging igjen!
Eg vil ha ein liten sitteplass på parsellen min, fine kantar rundt det eg dyrker og masse spennande grønnsaker! Men nå i første omgang treng eg idear til ting det går an å så rett ut i jorda på denne tida av året, sidan denne hageflekken kom litt brått på og eg ikkje har drive med forkultivering og liknande.
Eg tenker poteter og jordskokk og liknande er lurt for å få bukt med at det er mykje skvallerkål og løvetann og liknande på parsellen etter den som hadde det før. Andre idear til kva ein kan dyrke utan å bruke ei formue på å kjøpe ferdig forkultiverte planter?
__________________
People who wonder whether the glass is half empty or half full miss the point.
The glass is refillable.
|