[nokon]

Eg er interessert i ulike synspunkt rundt å snu barn på snart 4 år (15,2 kg./ 100,5 cm.).

Eg og mannen er ikkje heilt einige. Eg tenker at det er ingen grunn til å snu, sjølv om Ungen strengt tatt er stor nok. Mannen argumenterer med sittekomfort både for Ungen og for meg eller eventuelle andre i passasjersetet, at vi får lite kontakt med Ungen når han sitt bakover og at han lett blir bilsjuk (dette har eg lese ein god del om og eg tviler på relevansen av bakover-/framovervendt bilstol, så lente Ungen sjølv ikkje følgjer med på vegen. Og det vil han neppe gjere sjølv om vi snur han). Men det er stort sett dei vanlege argumenta for og mot å snu.

Det eg er ute etter, er ikkje nødvendigvis ei poengtering av at bakover er tryggast, for det veit eg. Men eg lurer på kva tanker og vurderinger som er blitt gjort, av dei av dykk som har vald å følgje anbefalinga om 4 år/15 kg.

Deretter kjem val av bilstol. Vi har ein Britax Multi-Tech II, kombistol. Så vidt eg har skjønt er det delte meininger om å snu kombistolar. Kva er argumenta mot dette? Eg skjønner at det å bruke 5-punktsele forover gir større belastning for nakken, ved eventuell kollisjon. Men dersom vi bruker bilbeltet (3-punktselen), er det då sterke argumenter mot å snu kombi-stolen, eller vil den fungere som ein beltestol med ekstra feste?