[Syrin]

Dersom problemet er at ein har ingen energi, men ansvar for barn med masse energi:
Går på kino, eller har heime-kino. Om vi er heime poppar vi popcorn, trekk for alle gardiner og sørger for å ha to nye filmar. For voksne er det lov å dorme av ei lita stund i sofaen.
Når det er snøstorm ute og ingenting å finne på har vi hatt hell med lego-dagar. Vi finn fram gamle bruksanvisningar og prøver å rekonstruere, eller vi berre rotar rundt i boksane etter kule delar som blir satt saman på ny måte. Alle fire i familien er med, dog syns mor det er vondt å sitte på golvet etter eit par timar.
Når ein er sliten syns eg faktisk det er godt å få rydda og vaska. Føler eg kan puste etterpå. For mykje støv og rot gir meg klaustrofobi, og det hjelper lite når ein er sliten.
Det har hendt at vi har avtalt at ungane er på besøk hos venner i nokre timar. Da rekk vi å hente oss inn igjen, enten ved å få orden på papir og rekningar, rydde/vaske eller rett og slett å slumre på sofaen. Gull verdt når ein ikkje har familie i nærheten.